Алгачкы кар

Автор: akunova, декабря 21, 2012

Түшүмө да кирип далай эңсетип,

Балалыкта аруу, сонун күндөр бар.

Дегдеп, дегдеп демимди ичке каталбай,

Уктасам да көздү жумуп жаталбай,

Сени кандай күтчү элем аппак кар…

 

Жүрөгүмдө учуп-конуп жаткандай,

Жагымдуу бир сезим төгүп көңүлдөн.

Бийлеп учуп жааганыңда зампарлап,

Бакытымдай сезилчү элең сен анда,

Асманымдан аппак болуп төгүлгөн.

 

Балалыкка алып кетчү жалгыз жол,

Чыйырыңда, муз жолуңда калгандай.

Адам жоктур сага сугун артпаган,

Сыйкырыңа, сымбатыңа арбалып,

Акын жоктур сени жоктоп жазбаган…

Оставить комментарий

Обязательное поле.

Обязательное поле. Не публикуется.

Если есть.