Сактай көр
Автор: akunova, декабря 15, 2012
Көңүлдүн күүсүн укпаган,
Көңдөйлүктөн сактай көр.
Сулуулукка заар чачкан,
Түркөйлүктөн сактай көр.
Боздогон үнгө кылчайбас,
Мерездиктен сактай көр.
Көз тийбесин периге,
Ач каректен сактай көр.
Ынак сезим өчпөсүн,
Киргилт сөздөн сактай көр.
Наристенин бактысын,
Шат күлкүсүн сактай көр.
Баарын турган көтөрүп,
Жер-Энени сактай көр!
Оставить комментарий