Ошол күн кайра кезиксе…

Автор: akunova, декабря 19, 2012

Ушунча жыл сени өзгөртүп салгандыр,

Деги сен кандай болуп калдың экен?

Экөөбүз күтө албаган аруу күндөн,

Ойлоруңа бир ирээт бардым бекен?

 

Түшүңө кирдим бекен, күлдүм бекен,

Аппак тилек колдон түшүп сынды эле.

Түшүнбөй түбү түшкөн ошол кечти,

Жаңылып жалгыз менин күнөөм дебе!

 

Үмүт деле сенден мага каттабай,

Жылдарды алоолонгон өрттөп кетти,

Аттиң азыр ошол күн болсо кана,

Өчүр эми суранам сүйкүм кечти.

 

Унутууга эми, эми бел байлап,

Улутунуп, түңүлүп бүттүм эми.

Кусалыктан жаңы айыгып келатам,

Азап салып, кезиге көрбө деги!

Оставить комментарий

Обязательное поле.

Обязательное поле. Не публикуется.

Если есть.